प्रतिपक्षको कुरा नसुने सरकार असफल हुन्छ : हर्क साम्पाङ

श्रम संस्कृति पार्टीका अध्यक्ष एवं प्रतिनिधिसभा सदस्य हर्क साम्पाङले सरकार सफल हुने वा असफल हुने कुरा प्रतिपक्षको आवाजलाई उसले कति गम्भीरतापूर्वक सुन्छ भन्नेमा निर्भर रहने बताएका छन् ।

प्रतिनिधिसभाको शुक्रबारको बैठकमा बोल्दै साम्पाङले विगतको राजनीतिक अभ्यास र परम्पराले पनि प्रतिपक्षको कुरा नसुन्दा सरकार सञ्चालनमा समस्या देखिएको पुष्टि गरेको बताए । विगतको त्यस्तो इतिहास नदोहोरियोस् भन्ने आफूहरूको चाहना रहेको उनको भनाइ थियो ।