दसैँको मुखमा विदुरका बालविकास शिक्षकको तलब कटौती

काठमाडौँ- नुवाकोटको विदुर नगरपालिकाका बालविकास शिक्षकले खाइपाइ आएको तलब कटौती भएपछि आफूहरू अन्यायमा परेको गुनासो गरेका छन्। दसैँको मुखमा तलब कटौती हुँदा दैनिक गुजारा चलाउनसमेत समस्या भएको भन्दै उनीहरूले सम्बन्धित निकायसँग सहयोग र न्यायको माग गरेका छन्।

बालविकास शिक्षक सोनिया बीसीका अनुसार संघीय सरकारले उपलब्ध गराउँदै आएको अनुदानमा नगरपालिकाले थप रकम उपलब्ध गराउँदै आएको थियो।