टाटा, विप्रो र इन्फोसिससहित ८ कम्पनीमाथि अमेरिकी प्रतिबन्ध, के हुन्छ कर्मचारीको भविष्य ?

काठमाडौं । अमेरिकी राष्ट्रपति डोनाल्ड ट्रम्प प्रशासनले आठ ठूला सूचना प्रविधि (आईटी) कम्पनीलाई ग्रीन कार्ड प्रक्रियासँग सम्बन्धित स्थायी श्रम प्रमाणीकरण (पर्मानेन्ट लेबर सर्टिफिकेसन–PERM) कार्यक्रमबाट निलम्बन गरेको दाबी गरिएको छ। निलम्बनमा परेका कम्पनीमा भारतका टाटा कन्सल्टेन्सी सर्भिसेज (टीसीएस), इन्फोसिस, विप्रो र एचसीएलका साथै अमेरिकी कम्पनी माइक्रोसफ्ट, एडोबी, कग्निजेन्ट र फ्रान्सेली कम्पनी क्यापजेमिनी रहेको समाचारमा उल्लेख छ।

उक्त निर्णय कार्यान्वयन भएको अवस्थामा यी कम्पनीमार्फत अमेरिकामा स्थायी बसोबासको अनुमति अर्थात् ग्रीन कार्ड प्राप्त गर्न प्रक्रिया अघि बढाइरहेका विदेशी कर्मचारी प्रभावित हुन सक्छन्। विशेषगरी एच–१बी भिसामा अमेरिकामा काम गरिरहेका भारतीय सूचना प्रविधि क्षेत्रका कर्मचारीको स्थायी बसोबाससम्बन्धी योजना प्रभावित हुने आशंका गरिएको छ।