७ वर्षमा पहिलो पटक चिनियाँ राष्ट्रपति सीको उत्तर कोरिया भ्रमण

चीनका राष्ट्रपति सी जिनपिङ ७ वर्षपछि पहिलो पटक उत्तर कोरियाको राजधानी प्योङयाङ पुग्नुभएको छ । दुई दिने राजकीय भ्रमणका क्रममा उहाँले उत्तर कोरियाली नेता किम जोङ उनसँग उच्चस्तरीय वार्ता गर्दै द्विपक्षीय सम्बन्ध, आर्थिक सहकार्य र क्षेत्रीय सुरक्षाका विषयमा छलफल गर्ने कार्यक्रम रहेको समाचार संस्था एपीले जनाएको छ ।

विश्लेषकहरूका अनुसार यो भ्रमणले उत्तर कोरियामाथि चीनको प्रभाव पुनः बलियो बनाउने र बदलिँदो अन्तर्राष्ट्रिय शक्ति सन्तुलनमा चीनको भूमिका थप स्पष्ट पार्ने अपेक्षा गरिएको छ ।