तिहारको शुभकामना दिँदै सभामुख घिमिरेले भने : संस्कार र संस्कृति हाम्रा गौरव र सम्पत्ति हुन्

काठमाडौं : सभामुख देवराज घिमिरेले संस्कार र संस्कृति हाम्रा गौरव र सम्पत्ति भएको बताएका छन्। बुधबार तिहारको शुभकामना दिँदै उनले संस्कार र संस्कृतिमा फरक भएकैले नेपालीहरू आज विश्वसामु फरक रूपमा प्रस्तुत भइरहेको दाबी गरेका हुन्।

‘नेपाल बहुजातीय, बहुभाषिक, बहुधार्मिक र बहुसाँस्कृतिक विविधताबीच सुदृढ एकताको विशेषतायुक्त देश हो। ’ उनले भने,‘ संस्कार र संस्कृतिमा फरक भएकैले नेपालीहरू आज विश्वसामु फरक रूपमा प्रस्तुत भइरहेका छौं। संस्कार र संस्कृति हाम्रा गौरव र सम्पत्ति हुन्। विभिन्न जातजातिका भाषा, धर्म, संस्कृति, रहनसहन, चाडपर्व, भेषभूषा, रीतिथिति, इतिहास र चालचलन हाम्रा पहिचान हुन्।’