नोबेल शान्ति पुरस्कार आज घोषणा हुँदै, ट्रम्पले पाउलान् त ?

काठमाडौं –। सन् २०२६ को नोबेल शान्ति पुरस्कार आज घोषणा हुँदैछ । अमेरिकी राष्ट्रपति डोनाल्ड ट्रम्पले यसपटक प्रतिष्ठित पुरस्कार प्राप्त गर्लान् कि नगर्लान् भन्ने विषयले अन्तर्राष्ट्रिय चासो बढाएको छ । नर्वेको राजधानी ओस्लोस्थित नोबेल संस्थानले शुक्रबार स्थानीय समयअनुसार बिहान ११ बजे पुरस्कार विजेताको घोषणा गर्ने कार्यक्रम छ । नेपाली समयअनुसार घोषणा दिउँसो २ः४५ बजे हुनेछ ।

ट्रम्पले आफू नोबेल शान्ति पुरस्कारको हकदार रहेको दाबी गर्दै आएका छन् । उनले विभिन्न अन्तर्राष्ट्रिय द्वन्द्व समाधान गर्न आफूले भूमिका खेलेको बताउँदै पुरस्कार पाउने आशा व्यक्त गरेका छन् । तर, उनको दाबी र पुरस्कार प्राप्त गर्ने सम्भावनाबीच के सम्बन्ध रहन्छ भन्ने निर्णय नर्वेली नोबेल समितिको मूल्याङ्कनमा निर्भर हुनेछ ।