सर्पदंशबाट बिरामीको मृत्यु भएपछि मधेश स्वास्थ्य विज्ञान प्रतिष्ठानको स्पष्टीकरण

जनकपुरधाम- सर्पदंशबाट उपचारका क्रममा बिरामीको मृत्यु भएपछि मधेश स्वास्थ्य विज्ञान प्रतिष्ठानअन्तर्गतको प्रादेशिक अस्पताल जनकपुरधामले घटनाबारे स्पष्टीकरण दिएको छ। अस्पतालले सर्पदंशको औषधि एन्टिस्नेक भेनम (एएसभी) उपलब्ध गराएर उपचार गरिएको र आईसीयू खाली नभएकाले बिरामीलाई अर्को अस्पतालमा पठाइएको जनाएको छ।

प्रतिष्ठानले बुधबार जारी गरेको प्रेस विज्ञप्तिअनुसार धनुषाको जनकपुरधाम उपमहानगरपालिका–१४ निवासी महेश कुमार यादवलाई सर्पले दाहिने हातमा टोकेपछि असोज १४ गते राति करिब १ः४० बजे अस्पतालको आकस्मिक कक्षमा ल्याइएको थियो।