काश्मीरमा कम्तीमा १२ जनाको मृत्यु

पाकिस्तान अधीनस्थ काश्मीरमा लगातार तेस्रो दिन भएको हिंसात्मक प्रदर्शनपछि मारिने सर्वसाधारणको संख्या १२ पुगेको छ। एनडीटीभीले स्रोतहरूलाई उद्धृत गर्दै उल्लेख गरेअनुसार बाघ जिल्लाको धिरकोटमा कम्तीमा चार जनाको मृत्यु भएको छ भने मुजफ्फराबादमा कम्तीमा दुई र मिरपुरमा दुई जनाको मृत्यु भएको छ भने २०० भन्दा बढी नागरिक घाइते भएका छन्।

पाकिस्तानी सरकारविरुद्ध भएको प्रदर्शनपछिको झडपमा तीन प्रहरीको पनि मृत्यु भएको विवरण यसअघि नै बाहिर आएको थियो। कम्तीमा नौ जना प्रहरी घाइते छन्।