म्यानचेस्टरमा भएको आक्रमणमा दुईको मृत्यु; प्रहरीद्वारा 'आतङ्की हमला' घोषणा

संयुक्त अधिराज्यको प्रहरीले उत्तरी म्यानचेस्टरस्थित एउटा सिनेगग (यहूदी प्रार्थनास्थल) बाहिर भएको आक्रमणमा दुई जनाको मृत्यु भएपछि यसलाई ‘आतङ्कवादी हमला’ घोषणा गरेको छ।

ग्रेटर म्यानचेस्टर प्रहरीका अनुसार बिहीबार बिहान स्थानीय समयअनुसार करिब ९:३० बजे क्रम्पसलको हिटन पार्क हिब्रू कङ्ग्रेगेशन सिनेगग नजिक एक व्यक्तिले कारबाट मानिसहरूलाई ठक्कर दिएको र एक जनालाई छुरा प्रहार गरेको सूचना प्राप्त भएको थियो।