नाना पाटेकरको निधन

बलिउडका सशक्त अभिनेता नाना पाटेकरको ७५ वर्षको उमेरमा निधन भएको छ। हिन्दी तथा मराठी फिल्ममा करिब ५ दशक लामो अभिनय यात्रा तय गरेका पाटेकरको बिहीवार गोवास्थित निवासमा निधन भएको हो। उनको निधन कार्डियाक अरेस्टका कारण भएको अस्पतालले जनाएको भारतीय सञ्चार माध्यमले जनाएका छन्।

गोवाको डोना पाउलास्थित आफ्नै निवासमा बिहान अस्वस्थ भएपछि पाटेकरले एक साथीलाई आफूलाई सञ्चो नभएको जानकारी गराएका थिए। केही समयपछि उनलाई निवासमै अचेत अवस्थामा भेटिएको थियो। त्यसपछि उनलाई मणिपाल अस्पताल लगिएको थियो। चिकित्सकले उनलाई बचाउने प्रयास गरे पनि सफल हुन सकेन। अस्पतालले बिहान करिब ५ बजेर २० मिनेटमा उनलाई मृत घोषणा गरेको भारतीय सञ्चारमाध्यमले जनाएका छन्।