गाडीका पार्टपुर्जाको अवैध कारोबारी पोते पक्राउ

अवैध रूपमा टाटा गाडीका नक्कली पार्टपुर्जा तथा लुब्रिकेन्ट आयात गरी बिक्री–वितरण गर्दै उपभोक्तालाई ठगी गरेको आशंकामा जिल्ला प्रहरी कार्यालय काभ्रेपलाञ्चोकको टोलीले राजकुमार पोतेको बनेपास्थित नेष्ट जेनेरेशन अटोमोटिभ प्रा.लि.को पसल तथा गोदाममा छापा मारेको छ।

छापा मार्ने क्रममा प्रहरीले करोडौँ मूल्यका अवैध रूपमा आयात गरिएका नक्कली पार्टपुर्जा बरामद गरेको जनाएको छ। प्रहरीले निजको पसल तथा १० वटा गोदाममा सिलबन्दी गरी निजलाई पक्राउ गरेको छ।