बाढीपहिरोमा ७४ जनाको मृत्यु, सरकार सिंहदरबारबाट निर्देशन दिनमै व्यस्त

नेपालमा बाढीपहिरो लगायत विपदमा परी एक महिनामा ७४ जनाको मृत्यु भएको छ। जेठ २८ देखि आएको बाढी, पहिरो लगायतका विपद्‌मा परी सोमबार ७४ जनाको मृत्यु भएको छ भने ५ बेपत्ता भएका छन्।

गृह मन्त्रालयका अनुसार कोशी प्रदेशमा १८ जना, मधेशमा ३, बागमतीमा ५, गण्डकीमा २२, लुम्बिनीमा १८, कर्णालीमा ४ र सुदूरपश्चिम प्रदेशमा ४ जनाको मृत्यु भएको हो। ८८ जना घाइते भएका छन्। २८ जेठयता विपद्का घटनाबाट २ हजार २९६ घर परिवार विस्थापित भएका छन्। सोही अवधिमा ९४ वटा घर, ५३ वटा गोठ, ४१ वटा पुल, एउटा विद्यालय र दुइटा सरकारी कार्यालयमा क्षति पुगेको छ । ३३५ वटा पशु चौपायाको मृत्यु भएको छ।