प्राकृतिक विपती र तटीय क्षेत्रका समस्या बारे सार्वजनिक सुनुवाई

उदयपुर ।

त्रियुगा नगरपालिका वडा नं २का स्थानीयले घरायसी प्रयोजनकालागि बालुवा, गिटी, ढुंगा लगायतका नदी जन्य पदार्थ निकाल्न नपाउँदा समस्यामा परेको बताएका छन् । अन्यत्रबाट नदीजन्य पदार्थ ल्याएमा महंगो कर तिनु पर्ने अवस्था रहेकोले घर नजिकै रहेको नदी जन्य पदार्थ निर्वाध रुपमा उपयोग गर्न पाउनु पर्ने माग गरेका छन् । त्रियुगा नपा २ को वडा कार्यालयमा हालै आयोजित प्राकृतिक विपती र तटीय क्षेत्रका समस्या विषयक सार्वजनिक सुनुवाईमा स्थानीयले नदी नियन्त्रण, पुल, तटबन्ध, कल्वर्ट निर्माणकालागि जेट आउँछ तर उक्त बजेट कहाँ कसरी खर्च हुन्छ स्थानीयले जानकारी पाउँदैनन्, नदी जन्य पदार्थ उत्खनन् गरेपछि प्राकृतिक विपत आउने समस्या जस्ताको त्यस्तै रहेको भन्दै गुनासो गरेका थिए ।