विवरण नबुझाउने करदाता कारवाहीमा

स्याङ्जा । स्थायी लेखा नम्बर लिएका करदाताले समयमै आय विवरण पेस नगरेका सेवाग्राहीलाई अविलम्ब विवरण बुझाउन अनुरोध गरिएको छ । करदाता सेवा कार्यालय पुतलीबजार स्याङ्जाले लामो समयदेखि मूल्य अभिवृद्धि करको विवरण नबुझाएको देखिएकाले सेवाग्राहीलाई अविलम्ब विवरण बुझाउन अनुरोध गरेको हो ।

८-९ महिनादेखिका केही करदता र पछिल्लो समय चार महिनादेखिका करदाताले आय विवरण नबुझाएको तथ्यांक करदाता कार्यालय स्याङ्जाले सार्वजनिक गरेको छ । करदाता कार्यालय स्याङ्जाका प्रमुख शोभाकान्त पंगेनीले दिएको जानकारीअनुसार अहिलेसम्म झन्डै ४ सय करदाताले मूल्य अभिवृद्धि करको विवरण नबुझाएको देखिएको बताए । ‘हामीले पटकपटक विवरण बुझाउन आग्रह गरेका छौं,’ उनले भने, ‘विवरण बुझाउन आलटाल गर्ने करदातालाई कानुनअनुसार कारबाही हुन्छ ।’