हेमोफिलिया उपचार सरल बनाऊ

कुन मानिस कहाँ जन्मन्छ मात्रै होइन, कसरी जन्मन्छ र जन्मँदा केके सबल र दुर्बल विशेषता लिएर आउँछ कसैलाई थाहा हुँदैन। जन्मने व्यक्ति स्वयंको त बसको बात नै होइन त्यो। रोगबिमारका मामलामा पनि त्यस्तै हुन्छ, कतिपय रोग जन्मसँगै आउँछन्। थुप्रै त्यस्ता रोग हुन्छन्, जुन जन्मजात हुन्छ। त्यस्तैमध्येको एउटा हो हेमोफिलिया।

विश्व स्वास्थ्य संगठन (डब्लूएचओ)का अनुसार प्रति १० हजारमा एकजनालाई यस्तो रोग लाग्छ। साधारण नेपाली परिवारका सदस्यलाई यस्तो रोग लाग्यो भने त्यसले परिवारको सबै खुसी लुट्छ।