गुजरात जीएम चेसमा पुरुषोत्तम सिलवाल उत्कृष्ट दोस्रो विदेशी खेलाडी घोषित

भारतको अहमदाबादमा जुन १ देखि ८, २०२६ सम्म सम्पन्न चौथो गुजरात इन्टरनेशनल ओपन ग्रान्डमास्टर्स चेस प्रतियोगिता (क्याटेगोरी ‘ए’) मा नेपालका क्यान्डिडेट मास्टर (सीएम) पुरुषोत्तम सिलवालले उत्कृष्ट प्रदर्शन गरेका छन्।

१० चरणको कडा प्रतिस्पर्धामा ६ अंक जोड्दै सिलवाल प्रतियोगिताको उत्कृष्ट दोस्रो विदेशी खेलाडी घोषित भएका हुन्। यो सफलतासँगै उनले १६ हजार नेपाली रुपैयाँ नगद पुरस्कार समेत हात पारेका छन्। उक्त विधामा उज्वेकिस्तानका सीएम कमत्याकुभोज मिराज उत्कृष्ट प्रथम र स्कटल्याण्डका सीएम बोग्गारापु कृतन तेस्रो विदेशी खेलाडी घोषित भए।