माधव नेपालले बराबरी अध्यक्ष मागेपछि एमालेसँग एकता भाँडियो : झलनाथ खनाल

नेपाली कम्युनिस्ट पार्टीका नेता झलनाथ खनालले माधवकुमार नेपालले एमालेसँगको एकता प्रक्रियामा आफू पनि बराबरीको अध्यक्ष हुनुपर्ने अडान राखेपछि एकता भाँडिएको बताएका छन्।

नागरिक फ्रन्टलाइनसँगको अन्तर्वार्तामा खनालले एकताका लागि दशबुँदे सहमति भइसकेको र पत्रकार सम्मेलनसमेत भएको अवस्थामा अध्यक्षको विषयमा कुरा नमिल्दा एकता हुन नसकेको बताएका हुन्।