'दृश्यम ३'को सातदिने कमाइ ३८४ करोडमाथि

बलिउड अभिनेता अजय देवगन अभिनीत फिल्म 'दृश्यम ३'ले प्रदर्शनको पहिलो सातामै विश्वव्यापी बक्स अफिसमा ३८४ करोड भारूभन्दा बढी कमाइ गरेको छ। फिल्मले भारतमा मात्रै २४५ करोड ५० लाख भारू नेट कलेक्सन गरेको छ।

द इन्डियन एक्सप्रेसका अनुसार फिल्मले प्रदर्शनको सातौं दिन बिहीबार भारतमा १३ करोड भारू नेट कमाएको थियो। यससँगै फिल्मको पहिलो साताको घरेलु नेट कलेक्सन २४५ करोड ५० लाख भारू पुगेको हो। विदेशमा ८९ करोड भारू ग्रस कमाएको फिल्मको विश्वव्यापी ग्रस कलेक्सन ३८३ करोड ६० लाख भारू पुगेको समाचारमा उल्लेख छ।