क्षति पुगेका संरचना निर्माणलाई प्राथमिकतामा राख्न निर्देशन

काठमाडौँ । ऊर्जा, जलस्रोत तथा सिँचाइ, भौतिक पूर्वाधार तथा यातायात र सहरी विकासमन्त्री कुलमान घिसिङले जेनजी आन्दोलनका क्रममा क्षति पुगेका संरचना निर्माणलाई प्राथमिकतामा राखेर काम गर्न निर्देशन दिएका छन् ।

सहरी विकास मन्त्रालय स्तरीय विकास समस्या समाधान समितिको आज बसेको बैठकमा उनले भने, “भदौ २३ र २४ गते भएको जेनजी आन्दोलनका क्रममा क्षति पुगेका सार्वजनिक तथा सरकारी संरचनाको निर्माण र पुनर्निर्माणलाई उच्च प्राथमिकतामा राखेर काम गर्नुहोला ।”