धरानमा ग्यास सिलिन्डर विस्फोटका घाइतेको कस्तो छ अवस्था ? 

काठमाडौं । धरान उपमहानगरपालिकाको वडा नम्बर १७ मा ग्यास सिलिन्डर विस्फोट हुँदा घाइते भएकाको अवस्था सामान्य रहेको बताइएको छ । विस्फोटमा आठजना घाइते भएकामा एकजनाको अवस्था भने केही गम्भीर रहेको छ ।

घाइतेमध्ये सोनिका राईको अवस्था गम्भीर रहेको जिल्ला प्रशासन कार्यालय सुनसरीकी प्रमुख जिल्ला अधिकारी हुमकला पाण्डेले जानकारी दिइन् । “सोनिका राईको अवस्था केही गम्भीर छ । तर, आत्तिनु पर्ने अवस्था नरहेको चिकित्सकले बताउनु भएको छ,” प्रजिअ पाण्डेले बाह्रखरीसँग भनिन्, “थप उपचारका लागि काठमाडौं लैजाने अथवा नलाने भन्नेबारे अहिले बिहान चिकित्सकसँग सल्लाह गरेपछि निर्णयमा पुग्ने छौँ ।”