दिल्ली अपराजित, घरेलु मैदानमा हार्‍यो बैंग्लुरु

काठमाडौं । दिल्ली क्यापिटल्सले इन्डियन प्रिमियर लिग (आईपीएल) क्रिकेटमा लगातार चौथो जित निकालेको छ । बिहीबार राती भएको खेलमा दिल्लीले घरेलु टोली रोयल च्यालेन्जर्स बैंग्लुरुलाई ६ विकेटले हरायो ।

यो जितसँगै दिल्लीको चार खेलबाट आठ अंक भएको छ । जारी प्रतियोगितामा दिल्ली मात्रै हालसम्म अपराजित छ । यद्यपि, रनरेटका आधारमा दिल्ली शीर्ष स्थानको गुजरात टाइटन्ससँग पछि परेको छ । एक खेल बढी खेलेको बैंग्लुरु ६ अंक मात्रै छ ।