त्रिशूली–भोटेकोशी बाढीपीडितको सहयोगार्थ कुमारी बैङ्कका कर्मचारीद्वारा ४५ लाख ९७ हजारभन्दा बढी सहयोग

काठमाडौँ। रसुवा–त्रिशूली–भोटेकोशी क्षेत्रमा आएको विनाशकारी बाढीबाट प्रभावित समुदायप्रति ऐक्यबद्धता जनाउँदै कुमारी बैङ्क लिमिटेडका कर्मचारीहरूले स्वैच्छिक रूपमा तलबबाट कट्टा गरी प्रधानमन्त्री दैवी प्रकोप उद्धार कोषमा रु. ४५,९७,३५३।५० योगदान गरेका छन्।

प्राकृतिक विपद्का कारण ठूलो मानवीय तथा भौतिक क्षति व्यहोरेका प्रभावित समुदायप्रति ऐक्यबद्धता जनाउँदै बैङ्कका कर्मचारीहरूले स्वैच्छिक रूपमा उक्त रकम सङ्कलन गरेका हुन्। सङ्कलित रकम प्रधानमन्त्री दैवी प्रकोप उद्धार कोषमार्फत राहत, उद्धार तथा पुनः स्थापनाका कार्यक्रमहरूमा उपयोग हुने विश्वास लिइएको छ।