एक साता नपुग्दै सचिव भूपाल बरालको फेरि सरूवा

सचिव भूपाल बराल राष्ट्रिय सतर्कता केन्द्रमा सरूवा भएको एक साता नपुग्दै राष्ट्रिय योजना आयोगमा पुगेका छन्।

असोज १३ गते बसेको मन्त्रिपरिषद् बैठकले उनलाई गण्डकी प्रदेशको मुख्यमन्त्री तथा मन्त्रिपरिषद्को कार्यालयबाट राष्ट्रिय सतर्कता केन्द्रमा सरूवा गरेको थियो। त्यसको आठ दिनपछि, असोज २१ गते बसेको मन्त्रिपरिषद् बैठकले उनलाई राष्ट्रिय योजना आयोगमा सरूवा गर्ने निर्णय गरेको हो।