एक्सनमा स्वास्थ्य मन्त्रालय : बेडसंख्या अनुसार शुल्क नतिर्ने ११ स्वास्थ्य संस्थाबाट १ करोड ७८ लाख असुल्ने निर्णय

काठमाडौं- स्वास्थ्य तथा खाद्य सुरक्षा मन्त्रालयले बेडसंख्या अनुसार तिर्नुपर्ने अनुमति दस्तुर नबुझाएका ११ स्वास्थ्य संस्थालाई बेरुजुमा देखिएको १ करोड ७८ लाख ८४ हजार रुपैयाँ दाखिला गर्न निर्देशन दिएको छ।

मन्त्रालयका अनुसार महालेखा परीक्षकको कार्यालयले आर्थिक वर्ष २०७६/०७७ र आर्थिक वर्ष २०७७/०७८ मा बेरुजु औंल्याएर असुलउपर गर्न निर्देशन दिएको थियो। तर, यसअघिका स्वास्थ्य मन्त्रीले उक्त विषयलाई नजरअन्दाज गर्दा बाँकी रहेका छन्।