ओमानको जितसँगै नेपालको पनि सिधै विश्वकपको छनोट चरणमा पुग्ने सम्भावना सकियो

आईसीसी पुरुष क्रिकेट विश्वकप लिग–२ तालिकाको माथिल्लो चार स्थानभित्र परेर आगामी एकदिवसीय विश्वकपको अन्तिम चरणको छनोटमा सिधै छनोट हुने नेपालको सम्भावना समाप्त भएको छ ।

लिग–२ प्रतियोगिताको ओमानमा जारी शृंखलामा शुक्रबार घरेलु टोली ओमानले क्यानडालाई ४१ रनले हराएसँगै नेपालको माथिल्लो चार स्थानभित्र पर्ने सम्भावना समाप्त भएको हो । जितसँगै ओमानले तालिकामा आफ्नो अंक ३३ पुर्‍याएको छ ।