स्पेनी ला लिगा : शीर्षमा रियलको अग्रता १० अंक

काठमाडौँ — भिनिसियस जुनियरको दुई गोलको मद्दतले स्पेनी ला लिगामा रियल म्याड्रिडले शनिबार ओसासुनालाई ४–२ ले हराएको छ । यो जितपछि कार्लो एन्सेलोटीको टिमले शीर्षमा १० अंकको अग्रता खोलेको छ ।

रियलको उपाधि यात्रा सजिलो देखिएको छ । अर्को खेलमा दास्रो स्थानको जिरोना गेटाफेसँग १–० ले पराजित भएपछि रियललाई अझ फाइदा पुगेको हो । रियलको ७२ अंक छ भने जिरोना ६२ अंकमै सीमित रह्यो ।