अमेरिकाबाट बाँकी शुल्क भुक्तानीको प्रतीक्षामा संयुक्त राष्ट्रसङ्घ

काठमाडौँ । संयुक्त राष्ट्रसङ्घले अमेरिकाले तिर्न बाँकी रहेको करिब चार अर्ब अमेरिकी डलरको रकम कहिले भुक्तानी गरिने भन्ने कुरामा प्रतीक्षा गरिरहेको जनाएको छ ।

महासचिव एन्टोनियो गुटेरेसले सबै सदस्य राष्ट्रले समयमै शुल्क तिर्न नसकेमा तथा सङ्गठनका वित्तीय नियमहरू सुधार नभएमा संयुक्त राष्ट्रसङ्घ गम्भीर आर्थिक सङ्कटमा पर्न सक्ने चेतावनी दिएका थिए ।