गेटाफेविरुद्ध भ्यालेन्सियाको शानदार जित

काठमाडौँ । स्पेनिस ला लिगा अन्तर्गतको खेलमा भ्यालेन्सियाले गेटाफेविरुद्ध शानदार जित हात पारेको छ । नेपाली समयअनुसार शुक्रबार बिहान सम्पन्न खेलमा गेटाफेलाई ३–० ले पराजित गर्दै जित हात पारेको हो ।

भ्यालेन्सियाका लागि मौक्टर डियाखाबीले खेलको ३०औँ मिनेटमा पहिलो गोल गर्दै अग्रता दिलाएका थिए। दोस्रो हाफमा अर्नाउट डान्जुमाले ५४औँ मिनेटमा गोल थपे भने अतिरिक्त समयमा ह्युगो डुरोले तेस्रो गोल गर्दै जित पक्का गरे।