अमेरिकामा खुल्यो एआईले तालिम दिने व्यायामशाला

विश्वमा कृत्रिम बौद्धिकता (एआई) को प्रयोग हरेक क्षेत्रमा बढ्दै गएको छ । कृत्रिम बौद्धिकताको प्रयोगले मानिसको रोजगारी खोसिँदै गएको बेला अहिले अमेरिकामा व्यायामशालामा पनि एआईको प्रयोग हुन थालेको छ ।

अमेरिकाको टेक्सासमा ल्युमिन फिटनेस नामक व्यायामशालामा मानिसहरु एआई प्रशिक्षकको साथमा व्यायाम गर्छन् । ढोकामा राखिएको सेन्सरले व्यायाम गरिरहेका हरेक मानिसमाथि निगरानी गर्ने काम गर्छ भने गरिरहेको अभ्यास ठीक भयो कि भएन भनेर बोलेर सचेत बनाउने काम पनि गर्छ ।