मुख्य सामग्रीमा जानुहोस्

समाचार

मनोरञ्जन

२० महिनापछि तात्दै चिसो बलिउड बक्स अफिस

rajdhanidaily.com · Wed Dec 01 23:40:46 GMT 2021

मुम्बई । कोरोना संक्रमण कारण करिब २० महिनादेखि सुस्ताको भारतीय फिल्मको बजार बिस्तारै तान्न थालेको छ । गत दसैंपछिबाट त्यहाँका सिनेमा हल सहजसँग खुल्न थालेपछि बलिउडमा सिनेमाले बिस्तारै बजार लिँदै छन् ।

गाएको दीपावलीबाट भारतका सिनेमा हलमा दर्शकको आगमन सुरु भएको त्यहाँका हल सञ्चालकहरूको कथन छ । तिहारमा रिलिज भएको अक्षय कुमारको फिल्म सूर्यवंशीले सोचेको भन्दा राम्रो कमाइ बक्स अफिसमा गरेको पनि उनीहरूको कथन छ । सूर्यवंशीपछि नोभेम्बर महिनाभरिमा बलिउडमा ‘बन्टी और बबली–२’, ‘सत्यमेव जयते–२’ र ‘अन्तम’ गरी अरू तीनवटा फिल्म रिलिज भए । यी चार फिल्मले भारतीय बक्स अफिसमा नोभेम्बर महिनामा लगभग २ सय ५० करोडको व्यापार गरेको त्यहाँका वितरकहरूले जनाएका छन् । अहिले पनि सिनेमा हलको सिटको संख्याभन्दा आधा मात्र दर्शक राख्न पाइने नियम भएका कारण नोभेम्बर महिनामा अरू २ सय करोडको व्यापार हुन नपाएको उनीहरूले बताएका छन् । यदि हलका सबै सिटमा दर्शक राख्न पाइएको भए बलिउडमा नोभेम्बरमा ४ सय ५० करोडभन्दा बढीको व्यापार हुने थियो ।

स्रोतमा पूरा पढ्नुहोस् (rajdhanidaily.com)