नेपालको बिजुली प्रतियुनिट ८.६ रुपैयाँमा किन्न बंगलादेश तयार

काठमाडौं- नेपाल र बंगलादेशबीच विद्युत् व्यापार गर्ने प्रक्रियागत अघि बढेको नेपाल विद्युत प्राधिकरणले दाबी गरेको छ। बंगलादेश प्रतियुनिट ८.६ रुपैयाँभन्दा बढीमा नेपालबाट जलविद्युत् आयात गर्न सहमत भएको र नेपालको विद्युत ब्यापार प्रक्रिया नयाँ चरणमा प्रवेश हुने प्राधिकरणको दाबी छ।

‘बंगलादेश पावर डेभलपमेन्ट बोर्ड (बीपीडीबी)’ ले गत साता उक्त दरमा नेपालबाट जलविद्युत् आयात गर्न सकिने टुंगो लगाएको छ। बंगलादेशले नेपालसग विद्युत खरिदको दर तयार गरेको र केही दिनमा त्यहाँको मन्त्रिपरिषद्‌बाट पारित गर्ने तयारी गरेको छ। मन्त्रिपरिषद्‌बाट पारित भएपछि नेपालसँग सम्झौता हुनेछ।