राशिद खानको घातक बलिङ, आयरल्यान्डविरुद्ध अफगानिस्तान ९२ रनले विजयी

राशिद खानको उत्कृष्ट बलिङसँगै अफगानिस्तानले आयरल्यान्डलाई दोस्रो एकदिवसीय खेलमा ९२ रनले पराजित गरेको छ।

यो जितसँगै अफगानिस्तानले आयरल्यान्डविरुद्धको एकदिवसीय क्रिकेटमा लगातार सातौं जित हात पारेको छ। ब्रेड़ीस्थित काउन्टी टाइरोन मैदानमा वर्षाका कारण खेल ९० मिनेट ढिला सुरु भएको थियो। त्यसपछि दुवै टोलीलाई ४७–४७ ओभर खेलाइएको थियो। पहिले ब्याटिङ गरेको अफगानिस्तानले इब्राहिम जद्रानको ८४ रनको उत्कृष्ट इनिङ्सको मद्दतमा ४७ ओभरमा ८ विकेट गुमाएर २९९ रन बनाएको थियो।