यी प्रदेशमा पानी पारिरहेको प्रणाली पूर्व सर्दै

आज शुक्रबार राति ८:२३ बजे मौसम पूर्वानुमान महाशाखाले जनाएअनुसार हाल गण्डकी प्रदेशका केही स्थान, बागमती र लुम्बिनी प्रदेशका थोरै स्थान तथा कोसी प्रदेशका एक-दुई स्थानमा मेघगर्जन/चट्याङसहित वर्षा भइरहेको छ।

पानी पार्ने उक्त प्रणाली पूर्वतिर सरिरहेको र आसपासका क्षेत्रमा पनि वर्षाको सम्भावना रहेकाले सतर्कता अपनाउन आवश्यक देखिएको मौसम महाशाखाले जारी गरेको सूचनामा उल्लेख छ।