कञ्चनपुरमा ईभी भ्यान दुर्घटना हुँदा १३ जना घाइते

२५ जेठ, काठमाडौं । कञ्चनपुरमा सोमबार दिउँसो ईभी भ्यान दुर्घटना हुँदा १३ जना घाइते भएका छन् । वेदकोट नगरपालिका–०३ दैजीस्थित महेन्द्र राजमार्गमा दिउँसो ३ बजेतिर उक्त दुर्घटना भएको प्रहरीले जनाएको छ ।

जिल्ला प्रहरी कार्यालय कञ्चनपुरका अनुसार धनगढीबाट महेन्द्रनगरतर्फ जाँदै गरेको सु.प.प्र.०२–००१ ज ४९६ नम्बरको ईभी भ्यान अनियन्त्रित भई नालामा पल्टिएको हो ।