मध्यपूर्वमा युद्धको डर: अमेरिका, चीन र भारत लगायत देशद्वारा इरान र इजरायल छाड्न निर्देशन

मध्यपूर्वको सुरक्षा अवस्था अत्यन्तै नाजुक बनेपछि अमेरिका, चीन र भारत लगायतका विश्वका प्रमुख शक्ति राष्ट्रले आफ्ना नागरिकलाई इरान र इजरायलबाट तत्काल बाहिरिन निर्देशन दिएका छन्।

अमेरिका र इरानबीचको कूटनीतिक वार्ता विफल भएपछि यस क्षेत्रमा ठूलो सैन्य मुठभेड हुने खतरा बढेको हो। यसै क्रममा अमेरिकी विदेश मन्त्रालयले इजरायलमा रहेका गैर-अत्यावश्यक सरकारी कर्मचारी र उनीहरूका परिवारलाई देश छाड्न आदेश दिएको छ। राजदूत माइक हकाबीले व्यावसायिक उडान उपलब्ध भएसम्म आफ्ना नागरिकलाई तुरुन्त निस्कन आग्रह गरेका छन्।