नवलपरासी पूर्वमा मतदान अधिकृतलाई प्रशिक्षण

नवलपरासी । आगामी फागुन २१ गते हुने प्रतिनिधिसभा सदस्य निर्वाचनका लागि नवलपरासी (बर्दघाट सुस्तापूर्व) मा मतदान केन्द्रमा खटिने मतदान अधिकृत तथा सहायक मतदान अधिकृतलाई प्रशिक्षण प्रदान गरिएको छ ।

मुख्य निर्वाचन अधिकृतको कार्यालयका अनुसार जिल्लामा मतदान अधिकृत, सहायक मतदान अधिकृत र सहयोगी कर्मचारीसहित कुल एक हजार ८६९ जना कर्मचारी परिचालन गरिने तयारी गरिएको छ । निर्वाचन क्षेत्र नम्बर १ बाट छनोट गरिएका कर्मचारीलाई बिहीबार प्रशिक्षण दिइएको छ भने क्षेत्र नं २ का कर्मचारीलाई शुक्रबार तालिम दिइने जिल्ला निर्वाचन कार्यालयका प्रमुख लालप्रसाद भुसालले बताए ।