पाकिस्तानविरुद्धको शृङ्खला इंग्ल्याण्डलाई

डेविड मलानको विस्फोटक ब्याटिङमा इंग्ल्याण्डले टी–२० शृङ्खलाको अन्तिम खेलमा पाकिस्तानलाई ६७ रनले पराजित गरेको छ । योसँगै ७ खेलको शृङ्खला इंग्ल्याण्डले ४–३ ले जित्न सफल भएको हो ।

टस हारेर पहिले ब्याटिङ गरेको इंग्ल्याण्डले निर्धारित २० ओभरमा ३ विकेटको क्षतिमा २०९ रन बनायो । दुई पटक जीवनदान पाएका मलानले नटआउट रहँदै ७८ रन बनाए । ह्यारी ब्रुकले नटआउट रहँदै २९ बलमा ४६ रन बनाए । उनले पनि २४ रन बनाएको स्थितिमा जीवनदान पाएका थिए । दुईले अविजित १ सय ८ रनको साझेदारी गरे ।