आयो त दसैं

हरेक वर्ष आउने गरेको दसैं यसपालि पनि आइसकेको छ, तर नेपालीमा मुस्कान देखिन्न । इजरायलको वितण्डा अनि बझाङको भूकम्प, अफगानिस्तानको दर्दनाक अवस्था, धेरै नेपाली डायस्पोरामा रहिरहँदा हाम्रो अर्थतन्त्र धेरै तिनकैै रकम विप्रेषणले चलेको छ । सहर दसैंभरि गाउँ पस्नेछ, टिकट काट्नेको लर्को छ बसपार्कमा । गाउँबस्ती उजाड गर्दै सहर पसेका तमाम नेपाली गाउँ पस्ने छन् । तर, खाडीमा पस्नेले प्रायः उतै मान्लान् दसैं तर महान् चाड दसैं मात्रै होइन आमचुनाव भइरहँदा पनि देशबाट निस्कने नेपालीको संख्या गनिसाध्यै छैन हिजोआज, होइन धेरै वर्ष भइसक्या छ ।

राजनैतिक प्रणालीले सिंहदरबार गाउँमा गयो भन्यो तर सिंह गएछ, त्यता दरबार त शीतलनिवास, बालकोट, बालुवाटार, भैंसेपाटी र खुमलटारतिरै बसेछ । दसैंमै नेपाली भोकै परे भने अघि राजा महिन्द्र मल्लले धुरीबाट निस्केको धुवाँपछि मात्रै आपूmले खाना खाने गरेको इतिहास के होला ? सुपथ मोलका पसल कति घण्टा चल्लान् बा कहाँ चल्लान्, पोहोर त उदाउँदै ती अस्ताइसकेका थिए ।