खुला आकाशमुनि पठनपाठन

बझाङ । गत १६ असोजमा बझाङ केन्द्रबिन्दु बनाएर ६ दशमलव ३ रेक्टरस्केलको भूकम्प गयो । मानवीय क्षति खासै नभए पनि भौतिक संरचनामा ठुलै क्षति पुग्यो । प्राथमिकतामा राहत दिन सरकार तत्पर रहे पनि सार्वजनिक भौतिक संरचनामा भने सरकारले अहिलेसम्म चासो दिएको छैन ।

विद्यालय भवनमा पूर्ण रूपमा क्षति हुँदा बालबालिकाको बिचल्ली भएको छ । थलारा गाउँपालिका– ९ स्थित भवानी आधारभूत विद्यालय भवन भूकम्पले भत्काएपछि बालबालिका खुला चौरमा अध्ययन गर्न बाध्य छन् । कक्षा ६, ७ र ८ का विद्यार्थी त्रिपालमुनि अध्ययन गरिरहेका छन् भने केही विद्यार्थी त्रिपाल बिच्छ्याएर खुला चौरमा पढ्न बाध्य छन् ।