वर्षाका कारण रोकिएको कांग्रेस सभापतिको मतगणना सुरु, खुला मञ्चबाट ल्याइयो मतपेटिका

काठमाडौँ । वर्षाका कारण केही समय प्रभावित बनेको नेपाली कांग्रेसको सभापति पदको मतगणना अन्ततः सुरु भएको छ । मौसममा सुधार आएपछि खुला मञ्चमा रहेका सम्पूर्ण मतपेटिका सुरक्षित रूपमा राष्ट्रिय सभा गृहमा ल्याइपुर्‍याइएको छ ।

वर्षाले गर्दा मतपेटिका भिज्ने जोखिम बढेपछि ढुवानी रोकिएको थियो। तर, वर्षा रोकिएसँगै निर्वाचन समितिले सम्पूर्ण मतपेटिका राष्ट्रिय सभा गृहमा संकलन गरी शनिबार बिहान १ः०० बजेदेखि मतगणना सुरु गरेको हो।