दश वर्षीय छोरासहित मेची-महाकाली साइकल यात्रा

पोखराको लेकसाइडस्थित खहरेका साइकलयात्री साइमन आफ्ना १० वर्षीय छोरा ग्रावियलसहित मेची-महाकाली साइकल यात्राको लक्ष्यसहित हेटौँडा आइपुग्नुभएको छ ।

यही अगष्ट १ तारिख (साउन १६ गते) देखि काँकडभित्ताबाट साइकल यात्रा सुरु गर्नुभएका उहाँहरू यात्राको सातौँ दिन हेटौँडा आइपुग्नुभएको हो । आफूहरू आजै चितवनतर्फको यात्रा गर्ने साइमनले जानकारी दिनुभयो ।