भ्रष्टाचारविरुद्ध सशक्त भूमिका

मुलुकमा भ्रष्टाचार निवारण र सुशासन कायम गर्न अख्तियार दुरुपयोग अनुसन्धान आयोगसँगै यस क्षेत्रमा संलग्न संस्था तथा व्यक्तिहरूबाट सामूहिक प्रयास गर्नुपर्ने आवश्यकता विज्ञहरूले औँल्याउनुभएको छ ।

भ्रष्टाचार निवारण र सुशासन प्रवर्धन गर्न स्थापित आयोग ३५ औँ वर्षमा प्रवेशका सन्दर्भमा विज्ञहरूले त्यस्तो सुझाव दिनुभएको हो । पछिल्लो समय भ्रष्टाचारको जालो समाजको तल्लो तहसम्म फैलिँदै जाँदा त्यसलाई रोक्न आयोगको हालको भूमिकालाई अझै सशक्त बनाउनुपर्ने पनि उहाँहरूले बताउनुभएको छ ।