भिमादका कृषकले सुन्तला बेचेर भित्र्याए तीन करोड

तनहुँ- तनहुँको भिमाद नगरपालिकाका कृषकले यस वर्ष सुन्तला बिक्री गरेर करिब तीन करोड रुपैयाँ आम्दानी गरेका छन्। नगरपालिकाका चार वडाका कृषकले यस वर्ष सुन्तला बिक्री गरी दुई करोड ९० लाख रुपैयाँ आम्दानी गरेका हुन्।

भिमाद-१, ५, ८ र ९ का किसानले दुई सय २२ टन सुन्तला बिक्री गरेका नगरपालिकाका कृषि सेवा शाखा प्रमुख कृष्ता महतोले जानकारी दिइन्। त्यसमध्ये वडा नं ८ अस्पादीबाट मात्रै एक करोड ५० लाखको सुन्तला बिक्री भएको उनले बताइन्।