अमेरिकाको आणविक निशस्त्रीकरणको माग समय सान्दर्भिक छैन : किम यो-जोङ

२५ जेठ, काठमाडौं । गत महिना राष्ट्रपति डोनाल्ड ट्रम्पको सी जिनपिङसँगको भेटवार्तापछि अमेरिकाले कोरियाली प्रायद्वीपलाई आणविक हतियारमुक्त बनाउने साझा लक्ष्यमा सहमति भएको बताएको थियो। यद्यपि, चिनियाँ पक्षको आधिकारिक विज्ञप्तिमा भने यस विषयको कुनै उल्लेख थिएन।

तर उत्तर कोरियाली सरकारी समाचार एजेन्सी ‘केसीएनए’ का अनुसार उत्तर कोरियाली शासक किम जोङ उनकै बहिनी किम यो-जोङले अमेरिकी टिप्पणीलाई ‘झूटो सूचना’ भनेकी छन्। उनले अमेरिकाको आणविक निशस्त्रीकरणको मागलाई ‘समय सान्दर्भिक नभएको एउटा भ्रम’ (एनाक्रोनिस्टिक ड्रिम) को रूपमा टिप्पणी गरेकी छन्।