रास्वपाले भन्यो- मोदीलाई पठाएको भनिएको पत्र पूर्णतः नक्कली

राष्ट्रिय स्वतन्त्र पार्टी (रास्वपा)ले भारतलाई पत्राचार नगरेको जनाउँदै गलत समाचार लेखेर भ्रम फैलाएको जनाएको छ।

शुक्रबार केही समाचार माध्यमले रास्वपा सभापति रवि लामिछाने र वरिष्ठ नेता बालेन्द्र शाह (बालेन)ले भारतीय प्रधानमन्त्री नरेन्द्र मोदीलाई पत्र पठाएको भन्दै समाचार लेखेका थिए। रास्वपा अन्तर्राष्ट्रिय सम्बन्ध विभागका प्रमुख शिशिर खनालले प्रेस विज्ञप्ति जारी गरी त्यसको खण्डन गरेका हुन्।