स्वेच्छीकरुपमा सदस्यता त्याग गर्न महासंघको आग्रह

नेपाल पत्रकार महासंघले लामो समयदेखि महासंघको सदस्यता कायम रहेको तर पत्रकारिता क्षेत्रमा सक्रियता नरहेकाहरुलाई स्वेच्छिकरुपमा सदस्यता त्यागको आग्रह गरेको छ । महासंघको गत पुस ८ र ९ गते सुर्खेतमा सम्पन्न केन्द्रीय साधारणसभाले शुद्धिकरणको अभियान सञ्चालन गर्ने निर्णय गरेको थियो ।

सो साधारणसभाले महासचिव रोशन पुरीको संयोजकत्वमा पूर्व महासचिव उजीर मगर र पूर्व सचिव रामप्रसाद दाहाल र धर्मेन्द्र कर्ण सदस्य रहेको शुद्धिकरण समिति गठन गरी शुद्धिकरण अभियान अगाडि बढाएको थियो । महासंघका महासचिव पुरीले बिहीबार विज्ञप्ति जारी गर्दै पत्रकारितामा सक्रिय नरहेका, पेशा परिवर्तन गरेका सदस्यलाई स्वेच्छीक रुपमा सदस्यता त्यागको अपिल गरेका हुन् ।