बेलायती प्रधानमन्त्रीको दौडमा रहेका ऋषि सुनकको चीनविरुद्ध आक्रामक अभिव्यक्ति

प्रधानमन्त्री पदको दौडमा रहेका ब्रिटिस कन्जरभेटिभ पार्टीका नेता ऋषि सुनक बेलायतका लागि चीन सबैभन्दा ठूलो खतरा भएको बताएका छन् । सुनकले उनका प्रतिद्वन्दी लिज ट्रस चीनप्रति नरम रहेको आरोप लगाउँदै प्रधानमन्त्रीको पदभार सम्हालेको पहिलो दिनबाटै चीनविरुद्ध कठोर हुने बताएको छन् ।

सुनकले लिज ट्रस शिक्षा मन्त्री हुँदा चीनलाई बेलायतका विश्वविद्यालयहरूमा घुसपैठ गर्न सजिलो बनाएको बताए । समाचार एजेन्सी एएफपीका अनुसार ऋषि सुनकले आइतबार राति विदेश नीतिमा आफ्नो अडान स्पष्ट गर्दै चीन र चिनियाँ कम्युनिष्ट पार्टी लामो समयदेखि बेलायतका लागि ‘सबैभन्दा ठूलो खतरा’ रहेको बताए ।