ऊर्जामन्त्री भन्छन्- विद्युत् महसुल बक्यौता असुली प्राथमिकतामा छ

काठमाडौँ। ऊर्जा, जलस्रोत तथा सिँचाइमन्त्री विराजभक्त श्रेष्ठले विद्युत् महसुल बक्यौता असुली प्रक्रिया प्राथमिकतामा रहेको बताएका छन्। उनले नेपाल विद्युत् प्राधिकरणलाई प्राथमिकताका साथ आफ्नो दैनिक कार्यसूचीमा राखेर अगाडि बढाउन सुझाएका छन्।

प्राधिकरण सञ्चालक समिति र प्राधिकरणका उपकार्यकारी निर्देशकहरूको छुट्टाछुट्टै बैठकमा महसुल बक्यौता लामो समयदेखि अल्झिरहेको र रकमसमेत ठूलो रहेको हुँदा यसलाई छिटो फर्स्योट गर्नुपर्ने सुझाए।