बागमती टी–२० कप : उपाधिका लागि चितवन र काठमाडौँ भिड्ने

हेटौँडा । गौरीटारमा जारी बागमती कप टी–२० क्रिकेट प्रतियोगिताको उपाधिका लागि चितवन र काठमाडौँ भिड्नेछ । सोमबार समूह सकिएसँगै फाइन खेल्ने दुई टोलीको टुङ्गो लागेको हो । चितवन समूह विजेता र काठमाडौँ उपविजेता बन्दै प्रतियोगिताको फाइनलमा प्रवेश गरेको हो।

समूहको चरणको एउटा खेलमा ललितपुरसँग पराजित भएको चितवन ३ खेलमा जित हात पारेको थियो भने एउटा खेलमा अङ्क बाँडेको थियो । चितवन ७ अङ्कसहित अङ्क तालिकाको शीर्ष स्थानमा रहँदै फाइनलमा प्रवेश गरेको हो । काठमाडौँले सोमबार मकवानपुरलाई पराजित गर्दै फाइनलमा स्थान बनाएको हो।