आमाको दूधबाट वञ्चित शिशुका लागि मानव दूध ब्यांक

मानव दूध ब्यांकले सम्पूर्ण जाँचपछि मात्र दूधको सङ्कलन, शुद्धीकरण/निर्मलीकरण, सुरक्षित भण्डारण र अन्त्यमा आवश्यकताका आधारमा वितरण गर्छ। यसकारण यो दूध सुरक्षित र आमाकै दूध सरह पौष्टिक तत्त्वयुक्त पनि हुन्छ।

शिशुको स्वास्थ्यमा स्तनपानको निकै महत्त्व हुन्छ। प्रोटिन, भिटामिन साथै विभिन्न संक्रमण विरुद्ध लड्न सक्ने क्षमता प्रदान गर्ने ‘इम्युनोग्लोबियुलिन’ तथा अन्य पौष्टिक तत्त्वहरू प्रशस्त हुने भएकाले पनि स्तनपानलाई शिशुको पहिलो खोपका रूपमा लिइन्छ।